SANParks Bitterpan Wilderness Camp

Selfsorg

Kapasiteit: 8 persone
Geen kinders onder 12
Inkloktyd: 14:00 tot 17:00
Uitkloktyd: 10:00
Adres: Vanaf die R360, Kgalagadi Oorgrenspark, Upington, 8801, Noord-Kaap
Vanaf R2 146 per nag, vir 2 mense

Beskrywing

Bitterpan is 'n wilderniskamp wat nie omhein is nie in die Kgalagadi Oorgrenspark. Dié eksklusiewe kamp is op stelte verhewe bo die rooi sandduine van die Kalahari en kyk oor 'n watergat.

Die Kgalagadi Oorgrenspark bestaan uit rooi sandduine en bossies met troppe gemsbokke, springbokke, elande en blouwildebeeste. Die kameeldoringbome bied skadu aan groot Kalahari-leeus en is die perfekte uitkykpunte vir jagluiperds en roofvoëls.

Die kamp is net toeganklik met 'n 4x4 met hoë grondvryhoogte. Waentjies word nie toegelaat nie. Die kamp verbind die 2 riviere, Nossob en Auob. Die roete mag net in een rigting gery word van Nossob na Mata-Mata. Die area kyk oor 'n groot pan met min bome. Die kamp is klein, eksklusief en lekker stil.

Daar is 4 chalets met 'n slaapkamer met 2 enkelbeddens en 'n badkamer met 'n stort, toilet en 'n wasbak elk. Elke chalet het sy eie braaigeriewe.

Gaste maak van die gemeenskaplike kombuis en gedeelde braai-area gebruik. Die gemeenskaplike kombuis is volledig toegerus met 'n stoof, oond, yskas-vrieskas, kookgerei en eetgerei. Daar is ook etenstafels en stoele. Die kamp se elektrisiteit is van sonpanale en gas afkomstig en daar is nie kragproppe nie. Die kamp het 'n verhewe uitkykplatform en 'n privaat sirkelroete.

Die kamp is nie omhein nie en 'n Toerisme-assistent is ten alle tye aan diens.

Kry ’n Kwotasie