SANParks Boulderbaai Coastal Camp Site

Kampeer/karavaan

Kapasiteit: 36 persone
Alle ouderdomme is welkom
Inkloktyd: 14:00 tot 17:00
Uitkloktyd: 10:00
Adres: Langs die N7, Namakwa Nasionale Park, 8241, Noord-Kaap
Vanaf R178 per nag, vir 2 mense

Beskrywing

SANParks Boulderbaai Coastal Camp Site is in die Namakwa Nasionale Park geleë. Die park is in die Sukkulente Karoo en het al geweldig gegroei. Dit strek vanaf die welbekende Skilpad-area naby Kamieskroon na die platorand wes, kus se kant toe. Gaste kan ontsnap na die land van kontraste waar die intense klimaat spesies van sy eie geskep het vir die spesifieke habitat. Veldblomme, groot sterrehemel, kokerbome, enorme granietkoppe en die ysige Atlantiese Oseaan is slegs ’n paar wonders van dié area wat op besoekers wag.

Boulderbaai is die enigste kamp teen die kus wat tot sommige mate teen die suidwestelike winde beskerm is. Die kamp het groot, oop areas wat geskik is vir groepe. Daar is ’n lang, wit strand net suid van die kamp. Die kamp kan met ’n 2x4-voertuig met grondvryhoogte bereik word vanaf die Hondeklipbaaipad-hek.

Die kampeerterrein is rustiek en mik daarna om die wildernis-karakter van dié kuslyn te behou. Gaste moet heeltemal selfonderhoudend wees en alles saambring wat hulle nodig sal hê vir kamp. Daar is 6 terreine wat elk ’n windskermmuur en braai-area het. Die kampplekke het geen water, elektrisiteit of ablusiegeriewe nie, slegs kompostoilette. Daar is ook geen selfoonopvangs nie.

Hout is beskikbaar by die Groenrivierhek, maar dit word aanbeveel dat gaste hul eie hout saambring.

Lees meer

Kry ’n Kwotasie