SANParks Orpen Rest Camp

Selfsorg

Kapasiteit: 42 persone
Alle ouderdomme is welkom
Inkloktyd: 14:00 tot 17:00
Uitkloktyd: 10:00
Adres: Langs die R531, Krugerwildtuin, Acornhoek, 1360, Mpumalanga
Vanaf R1 702 per nag (plek vir 2)

Beskrywing

SANParks Orpen Rest Camp is in die wêreldbekende Krugerwildtuin en is op die westelike grens van die park geleë, wat sowat 500 km vanaf Gauteng is. Orpen kan deur middel van verskeie roetes benader word, naamlik Orpen- en Phalaborwa-hek. Dié roetes se paaie is in 'n goeie toestand met die hoofpaaie wat Nasionale paaie is. Die naaste hek is Orpen-hek wat 500 m vanaf die hoofkamp is.

Orpen is 'n klein, pragtige kamp en die naam is afkomstig van Eileen Orpen, wat die grond geskenk het. Baie diere word gelok deur die verspreide bome en wye oop vlaktes wat met gras bedek is. As gevolg hiervan word roofdiere soos cheetahs, leeus en luiperds ook gelok. Orpen is welbekend vir diverse habitat en wild en bied die geleentheid vir naby ontmoetings met olifante, renosters, buffels, leeus en luiperds in hulle natuurlike habitat. Wilde honde, cheetahs, sebras en kameelperde is ook bekend in dié area en is die wildentoesias se paradys.

Die Orpen Rest Camp bied 'n winkel, gemeenskaplike wassery, vulstasie, gemeenskaplike kombuis, ablusieblokke, braaigeriewe, swembad vir oornaggaste en 'n piekniekarea vir dagbesoekers.

Doendinge by die Orpen Rest Camp sluit begeleide bosvoetslaanroetes en wildritte in die oggend, middag en aand in. Timbavati-piekniekoord is sowat 55 km buite die kamp en die Ratel Pan voëlhut is 58 km buite die kamp.

Kry ’n Kwotasie