Beskrywing

SANParks Paulshoek Cottage is in die Tankwa-Karoo Nasionale Park. Dié asemrowende park is weerskante van die Noord-Kaap en Wes-Kaap se grens, met die Roggeveld-platorand na die ooste, die Sederberge na die weste en die Klein Roggeveldberge na die suide.

Die Paulshoek-plaasopstal is die eerste opstal wat vir gasteverblyf in die park opgeknap is in 2003 en het antieke meubels. Die kothuis is 5 km vanaf die Park se ontvangs by Roodewerf en het asemrowende uitsig te oor die Roggeveld-platorand en die landskap tussen-in.

Paulshoek Cottage het slaapplek vir 6 gaste en beskik oor 2 slaapkamers, 1 badkamer en 'n oopplan-kombuis en leefarea. Daar is nie elektrisiteit in die kothuis nie. Elke slaapkamer het 1 dubbelbed en 1 enkelbed. Die badkamer het 'n stort, toilet en 'n wasbak. Die kombuis is met 'n tweeplaat-gasstoof, yskas wat met sonkrag werk, eetgerei, breekware en kookgerei toegerus. Parafienlampe en kerse word voorsien. Daar is 'n donkie om water te verhit en hout word voorsien. Daar is ook 'n houtstoof wat gaste kan gebruik as dit baie koud is. Braaigeriewe is beskikbaar.