Schoone Oordt Country House

B&B

Soos Gesien op Facebook
Kapasiteit: 22 persone
Alle ouderdomme is welkom
Inkloktyd: 14:00 tot 20:00
Uitkloktyd: 11:00
Adres: Swellengrebelstraat 1, Swellendam, 6740, Wes-Kaap
Vanaf R4 595 per nag, vir 2 mense
TGCSA-gradering:

Beskrywing

Schoone Oordt Country House is 'n klein, bekoorlike, plattelandse hotel in 'n lowerryke tuin in Swellendam in die Wes-Kaap. By hierdie Victoriaanse meenthuis is die fokus op luuksheid, elegansie, gehalte en aandag aan die kleiner dingetjies. Die huis is met liefde en toewyding opgeknap.

Verblyf is beskikbaar in 8 Luukse Kamers, 'n Wittebroodsuite en 2 Gesinsuites wat meer privaat en apart van die ander gastekamers is. Al die kamers is pragtig ingerig vir gaste se gerief en spog met unieke, gerestoureerde antiekware met 'n Victoriaanse gevoel om die gebou te komplementeer. Al die kamers het lugversorging, 'n yskassie, tee- en koffiemaakgeriewe, satelliet-TV, 'n elektroniese kluis, ondervloerverhitting en verhitte handdoekrelings in die badkamers. Die beddens is met katoenperkallinne en donsduvets opgemaak en daar is geborduurde japonne en pantoffels vir daardie ekstra luukse afwerking. Die Luukse Kamers en Wittebroodsuite het albei kaggels.

Die herehuis spog met die mooiste, sonnige konservatorium wat in 'n ware Engelse-styl gebou is. Daar is 'n kaggelvuur-verligte kroeg en sitkamer, 'n intieme eetkamer en 'n tipiese plattelandse kombuis. Die warmte van die oorspronklike houtvloere, plafonne en deure én die antiekware skep 'n wonderlike, verwelkomende atmosfeer wat gaste aanmoedig om keer op keer terug te keer. Gaste kan ook in die sprankelende soutwaterswembad afkoel.

Maaltye word met baie liefde voorberei en in ware Schoone Oordt-styl bedien. Net die varsste en gehalte-produkte word sorgvuldig van plaaslike verskaffers aangeskaf, sowel as vars kruie en soms groente vanuit die gastehuis se tuin. Ontbyt is 'n fynproewersgeleentheid en dié plattelandse hotel het baie gewild geraak as gevolg daarvan. Gratis middagtee met tuisgemaakte sout- en soethappies word op sonnige somersmiddae bedien. In die winter word gaste met aankoms met 'n gratis peuselbord en 'n warm verwelkomingsdrankie verras.

Kry ’n Kwotasie