Sea-Esta

Selfsorg

Kapasiteit: 10 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Clionella-straat, Struisbaai, 7285, Wes-Kaap
Vanaf R5 800 per nag, vir 10 mense

Beskrywing

Sea-Esta bied vakansieverblyf in 'n tradisionele vissershuis met rustieke meubels in Struisbaai en is ideaal vir 'n gesin of groep vriende wat op soek is na 'n kuswegbreek. Elke kamer is met 'n kus-tema ontwerp om die omliggende area se skoonheid te weerspieël.

Dié vakansiehuis bied slaapplek aan 10 gaste en beskik oor 5 slaapkamers, 4 badkamers, 'n kombuis en 'n leefarea. Die hoofslaapkamer het 'n koninggrootte-bed en 'n en suite-badkamer met 'n bad, stort, toilet en 'n wasbak. Die tweede en derde slaapkamer het elk 'n koninggrootte-bed en 'n en suite-badkamer met 'n stort, toilet en 'n wasbak. Die vierde en vyfde slaapkamer het elk 2 enkelbeddens, waarvan een in die solder op die boonste verdieping is. Die oorblywende badkamer het 'n stort, toilet en 'n wasbak.

Die oopplan-kombuis is met 'n yskas, kisvrieskas, stoof, oond, mikrogolf, skottelgoedwasser, broodrooster, basiese eetgerei en breekware, en 'n koffiestasie toegerus. Daar is 'n etenstafel met stoele waar gaste hul maaltye kan geniet en 'n gemaklike sitkamerstel in die leefarea met 'n platskerm-TV. Gratis WiFi is beskikbaar.

Die deure lei na 'n groot binnehof met 'n onderdakstoep met braaigeriewe en 'n Jacuzzi wat slegs teen 'n ekstra koste gebruik kan word. Die dekor het 'n strandtema om die perfekte atmosfeer vir ontspanning te skep. Veilige parkeerplek is op die perseel beskikbaar.

Let asb. dat daar vooraf gereël moet word om die Jacuzzi te gebruik. Dit is beskikbaar teen 'n fooi van R500 per dag.

Kry ’n Kwotasie