Seabourn Villa & Seabourn View

Selfsorg

Kapasiteit: 8 persone
Alle ouderdomme is welkom
Inkloktyd: 14:00 tot 20:00
Uitkloktyd: 10:00
Adres: Hanekomstraat 6, Dwarskersbos, 7365, Wes-Kaap
Vanaf R1 200 per nag (plek vir 2)

Beskrywing

Seabourn Villa & Seabourn View is 'n pragtige selfsorg-vakansievilla op die eienaar se perseel sowat 100 m van die strand af. Die villa bied 'n asemrowende uitsig oor die see en Dwarskersbos se strand.

Seabourne Villa het slaapplek vir 6 gaste en beskik oor 3 slaapkamers en 2 badkamers. Die hoofslaapkamer het 'n koningingrootte-bed en 'n en suite-badkamer met 'n stort, toilet en wasbak. Die tweede slaapkamer het 'n dubbelbed en die derde slaapkamer het 2 enkelbeddens. Gaste in hierdie slaapkamers deel 'n badkamer wat 'n stort, toilet en wasbak het. Alle beddegoed en handdoeke word voorsien.

Die kombuis is met 'n gasstoof, 'n oond, 'n yskas-vrieskas, 'n mikrogolfoond, eetgerei en breekware toegerus.

Die sitkamer het gemaklike rusbanke en stoele, 'n TV en 'n ingeboude braai waar gaste lekker kan kuier. WiFi is ook beskikbaar.

Seabourn View het 'n see-uitsig en bied slaapplek aan 2 gaste. Dit beskik oor 1 slaapkamer met 'n dubbelbed en 'n en suite-badkamer met 'n stort, toilet en wasbak.

Die kombuisie is met 'n mikrogolf, induksiestoofplaat, yskas en tee- en koffiemaakgeriewe toegerus.

Die oopplan-leefarea lei na die stoep.

Besienswaardighede in die omgewing sluit Rocherpan Natuurreservaat, lang en skoon strande, restaurante en Mykonos Casino in, en gaste kan swem, voetslaan, visvang, voëlkyk en 4x4-roetes aandurf in die area.

Kry ’n Kwotasie