Claptons Beach 10

Selfsorg

Kapasiteit: 5 persone
Geen kinders onder 2
Inkloktyd: 15:00 tot 19:00
Uitkloktyd: 10:00
Adres: Island Palm-straat, Claptons Beach 10, Marina Martinique, 6332, Oos-Kaap
Vanaf R1 400 per nag (plek vir 5)

Beskrywing

Claptons Beach 10 is 'n gemaklike selfsorg-eenheid vir 5 gaste in Marina Martinique, Jeffreysbaai.

Dié dupleks-woonstel beskik oor 3 slaapkamers, 1 badkamer, 'n kombuis en 'n sitarea. Die hoofslaapkamer het 'n dubbelbed en die tweede slaapkamer het ook 'n dubbelbed. Die derde slaapkamer het 'n driekwartbed en al die kamers deel 'n badkamer met 'n stort-oor-bad. Daar is ook 'n gaste-toilet en 'n buitelug-stort met warm water om die seesand af te spoel. Linne word voorsien en gaste moet asb. hul eie badhanddoeke en swemhanddoeke saambring.

Die oopplan-kombuis is met 'n stoof, oond, mikrogolf, yskas, tee- en koffiemaakgeriewe, eetgerei en breekware toegerus. Daar is ook 'n wasmasjien en skottelgoedwasser.

Verder kan gaste in die sitkamer voor die TV met DStv Now, Netflix, Showmax en gratis Wi-Fi te ontspan en gaste is welkom om hul eie dekodeerder en slimkaart saam te bring aangesien daar 'n DStv-konneksie is.

Die leefarea lei na 'n stoep met 'n ingeboude braai en 'n uitsig oor die see en kanale en kompleks se gemeenskaplike swembad. Die kompleks het 24 uur-sekuriteit.

Marina Martinique bied verskeie restaurante en aktiwiteite soos branderplankry, swem, snorkelduik en visvang, asook talle besienswaardighede soos die Waterpark.

Kry ’n Kwotasie