SeaScape

Selfsorg

Kapasiteit: 6 persone
Alle ouderdomme is welkom
Inkloktyd: 15:00 tot 19:00
Uitkloktyd: 10:00
Adres: Dorriesrylaan 85, Froggy Pond, Simonstad, 7975, Wes-Kaap
Vanaf R4 000 per nag (plek vir 6)

Beskrywing

SeaScape skuil hoog teen 'n heuwel en is 'n lieflike selfsorg-vakansiehuis wat met 'n ongelooflike uitsig oor Valsbaai en die see spog. Die pragtige Kaapse Skiereilandberge is direk agter die huis en bied talle staproetes deur inheemse fynbos op gaste se drumpel. Let asb. dat die paadjie na die perseel baie steil is en daarom moet gaste 'n redelike fiksheidsvlak hê met geen gesondheidsprobleme nie om die entjie se stap gemaklik te kan doen. Die verblyf is omhein en laat troeteldiere toe.

Dié huis het slaapplek vir 6 volwassenes en 'n baba. Twee slaapkamers front na die see en 'n ander een na die berge. Die hoofslaapkamer het 'n koningingrootte-bed, bababed en 'n en suite-badkamer met 'n stort. Die tweede slaapkamer het 'n dubbelbed en die derde slaapkamer het 2 enkelbeddens. Die gaste in hierdie 2 slaapkamers deel die tweede badkamer met 'n stort-oor-bad.

Die leefarea beskik oor 'n kombuis wat met 'n stoof, oond, mikrogolfoond, yskas-vrieskas, eetgerei, breekware, koffie- en teemaakgeriewe, skottelgoedwasser en 'n wasmasjien toegerus is. Die knus sitarea het gemaklike sitplek en 'n TV. Gaste kan ook bordspeletjies speel. Daar is 'n eetarea en gratis WiFi is beskikbaar.

Die sitarea het twee stelle dubbeldeure wat na 'n sitarea met 'n braai lei. Daar is ook 'n klein ontbytbankie waar gaste die sonsopkomste oor die see kan bewonder. Tydens beurtkrag het die verblyf 'n rugsteunbatterystelsel wat krag aan die ligte, skootrekenaars en die TV voorsien. Aktiwiteite in die area sluit swem, snorkel, duik en kajakvaart in.

Kry ’n Kwotasie