Seaside 8

Selfsorg

Kapasiteit: 2 persone
Alle ouderdomme is welkom
Inkloktyd: 14:00 tot 23:00
Uitkloktyd: 10:00
Adres: Drieankerbaaiweg 3, Drieankerbaai, 8005, Wes-Kaap
Vanaf R1 400 per nag (plek vir 2)

Beskrywing

Seaside 8 is in die hartjie van Drieankerbaai geleë en is 'n pragtige selfsorg-ateljee reg oorkant die uitgestrekte Seepunt-promenade. Dit kan 'n goeie opsie wees vir óf 'n paartjie óf toeriste wat die kusgedeelte van die Moederstad wil verken.

Dié ateljee met lugversorging kan gemaklik 2 gaste op 'n slag akkommodeer en beskik oor 'n oopplan-ontwerp. Dit is ingerig met 'n koningingrootte-bed en sluit 'n en suite-badkamer met 'n stort, wasbak en toilet in. Alle linne en badhanddoeke word voorsien; gaste moet egter hul eie strandhanddoeke saambring. 'n Kinderbedjie vir 'n baba kan gereël word.

Die stylvolle kombuis is volledig toegerus met 'n stoof, oond, mikrogolf, yskas-vrieskas, eetgerei en breekware asook 'n koffiemasjien. Boonop is daar 'n etenstafel met sitplek vir 2 en 'n knus sitkamer met gemaklike sitplek en 'n TV. Toegang tot gratis WiFi is beskikbaar.

Deur die skuifdeure is 'n balkon waar gaste 'n oggendkoffie kan geniet voordat hulle hul dag begin. Gaste kry veilige parkeerplek op straat. Die ligging van hierdie kompleks is stapafstand vanaf die strand asook talle restaurante en winkels.

Kry ’n Kwotasie