Wow, ongelooflik! Hierdie was 'n huis weg van die huis. Is volledig toegerus, pynlik netjies, en het ongelooflik lekker gebly. Idiaal vir 'n groot gesin! Sal Seaside Place ten sterkste aanbeveel en vir seker wéér daar gaan bly.

Rustig. Baie rustige area. Die eenheid ook baie mooi en toegerus met alles wat jy nodig het.

Wonderlike plek om te bly. Ons verwagtinge is oortref op elke vlak met die verblyf en die mense. Nogmaals dankie vir 'n wonderlike ervaring. Julle sien ons gou weer.

Heerlike gesinswegbreek. Ons is vooraf vriendelik gekontak en het presies geweet wat om te verwag in moeilike padoorspoelings. Daar was oulike verwelkomingsgeskenkies. Dit was skoon en netjies. Sal beslis weer kom. Dankie aan die gasheer wat bereid was om enige probleme (daar was niks) vinnig uit te sorteer.

Ongelooflik lekker. Ons het ongelooflik lekker gekuier. Als wat jy nodig het is tot jou beskikking. Jy hoef regtig net jou kos en klere te vat. En dit was so lekker skoon en die dekor is pragtig. Helene het ook gereeld 'n boodskappie gestuur om te hoor of als nog reg is. Sal beslis weer daar gaan bly.

Huisie by die see! Van begin tot einde was die diens/kommunikasie topklas. Helene is 'n ongelooflike gasvrou! Die plek was netjies, skoon, als wat mens nodig het en ten volle toegeruste kombuis! Die mooi gebaar en verrrassing van paaseiers toe ons daar kom was iets besonders! Die plekkie is 'n blok weg van die see en het baie lekker gaan stap. Dit was baie lekker en het elke oomblik geniet. Sal vir seker weer teruggaan en vir vriende aanbeveel. Tonne dankie Seaside!

Dit was baie baie skoon en lekker stil, huis is ruim het dit geniet en was lekke verras met geskenkies. Ek sal spoedig weer 'n booking doen, dus 100% netheid en Covid protocols is gevolg. Dankie weer.

Ons eerste besoek aan Struisbaai het nie terleurgestel nie. Ons huweliksherdenking, anders as met roadtrips, is gemik daarop om iets nuuts en spesiaal te wees. Die webtuiste het die afgelope 3 jaar 'n groot rol gespeel om juis dit te bereik. Seaside Place was beslis 'n top keuse vir akkommodasie, afskakel en om hierdie gebied te verken. Dit is 'n pragtige plek, baie netjies, baie goed versorg en volledig toegerus. Die mooi gesindheid van beide Helene en die een op wie se knoppie ons kon druk, Johan, het ons tuis laat voel en kon ons fokus op die mooi van die area, natuur en tyd maak vir ons self. Die passie waarmee hul ons verwelkom, op hoogte gehou en gegroet het, verseker dat ons terug sal kom, ander sal vertel en die herinneringe lank sal by bly. Beslis 'n hoogtepunt van ons herdenking. Baie seën vorentoe, jul maak Struisbaai beslis onvergeetlik lekker.

Skoon, met al die geriewe moontlik. Skoon, goeie ligging en alles wat jy benodig.

Pragtig, netjies en vele ekstra bederfies. Van begin tot einde voortreflike diens en waarde. Heerlik gekuier op braaistoep ten spyte van koue winternaweek. Warmwaterbottels beslis treffer.