Seaspray Cabins

Selfsorg

Langtermynverblyf-aanbod 30% af

Kry 30% af vir verblyf wat 25 nagte of langer is. Hierdie aanbod is altyd geldig.

Gratis kansellasie tot 1 week voor jou verblyf!
Kapasiteit: 27 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Elizabeth-laan 1B, Illovo Beach, 4155, KwaZulu-Natal
Vanaf ~~R500~~ R350 per nag (plek vir 2)

Beskrywing

Seaspray Cabins bied gerieflike verblyf in selfsorghouthuisies in Illovo Beach sowat 13 km vanaf Amanzimtoti en 36 km vanaf Durban.

Daar is 4 enkelhouthuisies wat elk 1 slaapkamer met 'n dubbelbed het. Twee van die houthuisies het elk 'n slaapbank in die sitkamer en is ideaal vir 'n paartjie met 1 of 2 klein kinders. Daar is ook 2 houthuisies met 2 slaapkamers waarvan 1 kamer 'n dubbelbed en die ander kamer 2 enkelbeddens het. Daar is ook addisionele beddens of slaapbanke in die sitkamer, so daar is slaapplek vir 5 volwassenes. Daar is 'n kothuis met 'n gesinskamer wat 'n dubbelbed en 2 enkelbeddens het wat met 'n gipsmuur van mekaar geskei word. Die eenheid bied slaapplek vir 4 volwassenes. Elke houthuisie en die kothuis het 1 badkamer met 'n stort en 'n volledig toegeruste kombuis met 'n yskas, mikrogolf en gaskooktoestel. Linne word voorsien, maar gaste moet hul eie handdoeke saambring. Elke houthuisie het Openview TV en bied toegang tot sy eie braai-area.

Geriewe sluit 'n gemeenskaplike swembad, lapa en dek in. Die perseel is omring deur 'n muur en elektriese heining en daar is veilige parkeerplek in die skaduwee. Dit is gerieflik naby die strand en 'n voetgangersbrug oor die treinspoor geleë. Kingsburgh Centre is sowat 4 km daarvandaan en daar is 'n kafee, winkeltjie en vulstasie net in die straat af. Die Illovo-kwekery het 'n restaurant en is stapafstand van Seaspray Cabins af.

Kry ’n Kwotasie