SeasTheDay Beachfront Holiday Home

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Dwarsstraat 9, Schaapenzicht Kompleks, Langebaan, 7357, Wes-Kaap
Vanaf R2 875 per nag (plek vir 6)

Beskrywing

SeasTheDay Beachfront Holiday Home is 'n selfsorg-eenheid aan die strand wat in die Schaapenzicht-sekuriteitskompleks in Langebaan geleë is en is 'n ideale vakansiebestemming vir gaste wat op soek is na 'n Weskus-wegbreek. Die wooneenheid het direkte toegang tot Langebaan se hoofstrand, wat welbekend is vir vlieërbranderry, seilplankry, swem en roeiplankry.

Dié vakansiehuis het slaapplek vir 6 gaste en beskik oor 3 slaapkamers, 2 badkamers, 'n kombuis en 'n leefarea. Die hoofslaapkamer is ingerig met 'n koningingrootte-bed en beskik oor 'n en suite-badkamer met 'n stort, toilet en wasbak. Die tweede slaapkamer het 2 enkelbeddens, en die derde slaapkamer is op die solder bo geleë en het 'n dubbelbed. Beide die tweede en derde slaapkamers deel die oorblywende badkamer wat toegerus is met 'n stort-oor-bad, toilet en wasbak. Die slaapkamers op die onderste verdieping het ook 'n kleiner leefarea met 2 rusbanke.

Die oopplan-kombuis is toegerus met 'n yskas, gasstoof, oond, skottelgoedwasser, wasmasjien, mikrogolf, broodrooster, basiese eetgerei en breekware, asook tee- en koffiemaakgeriewe. Die kombuistoonbank dien ook as 'n etenstafel en die hoofleefarea is ingerig met 'n sitkamerstel en 'n platskerm-TV. Die skuifdeure lei na die stoep met 'n piekniektafel en braaigeriewe. Gaste kan op die golwende grasperk ontspan en asemrowende sonsondergang en see-uitsigte van die voorstoep af ervaar. Veilige parkeerplek is op die perseel beskikbaar.

Dié eenheid is naby Langebaan se gewildste eetplekke geleë, asook 'n verskeidenheid winkels wat gaste kan verken.

Die eenheid het sonpanele en 'n omskakelaar vir gebruik tydens beurtkrag.

Kry ’n Kwotasie