Beskrywing

Sedgefield Lagoon Log Cabin is 'n gerieflike vakansiehuis met uitsigte oor die strandmeer en see, en is in die kusdorpie Sedgefield geleë. Dit is ideaal vir 'n naweek of vakansiewegbreek saam met vriende en familie.

Hierdie dubbelverdieping-houthuis is gerieflik ingerig en het 4 slaapkamers en 3 badkamers. Daar is 2 slaapkamers op die boonste verdieping wat 'n badkamer met 'n bad en stort deel. Die hoofslaapkamer is op die grondvloer geleë en het 'n en suite-badkamer met net 'n bad. Die tweede slaapkamer op die grondvloer het 'n badkamer met net 'n stort. Al die slaapkamers het dubbelbeddens.

Die leefarea is oopplan en die kombuis is goed toegerus met al die geriewe wat jy nodig het. Die kombuis het 'n gasstoof, elektriese oond, mikrogolfoond, yskas-vrieskas en 'n skottelgoedwasser. Die sitkamer het gemaklike rusbanke en 'n glanskool-verwarmer en daar is 'n TV, DVD-speler en DStv-kanale wat op versoek beskikbaar is. Die leefarea het skuifdeure wat na die houtdek met braaigeriewe en stoepmeubels lei. Die huis het 'n alarm, gewapende reaksie en 'n kluisie.

Daar is heelwat doendinge in die omgewing: voetslaan, visvang, fietsry, vlieërbranderry, valskermsweef, voëlkyk, gholf en watersport. Die perseel is stapafstand van die strandmeer en die strand af. Restaurante, winkels en banke is ook lekker naby. Hierdie instansie is nie troeteldiervriendelik nie.