See-Wegkom @ Swallow House Suites

Selfsorg

Langtermynverblyf-aanbod 25% af

Kry 25% af vir verblyf wat 30 nagte of langer is. Hierdie aanbod is altyd geldig.

Kapasiteit: 4 persone
Geen kinders
Inkloktyd: 14:00 tot 23:00
Uitkloktyd: 11:00
Adres: Clevedon-weg 19, Muizenberg, 7945, Wes-Kaap
Vanaf ~~R950~~ R713 per nag (plek vir 2)

Beskrywing

See-Wegkom @ Swallow House Suites bied oornagverblyf op die eienaars se perseel in Muizenberg. Dié rustige kusvoorstad van Kaapstad is bekend vir die wit sandstrande, die gewilde Surfer’s Corner, ouwêreldse argitektuur, kleurvolle geboue, historiese museums en vriendelike mense.

Verblyf word in 2 eenhede wat elkeen slaapplek vir 2 gaste het aangebied. Daar is 'n dubbelbed en 'n en suite-badkamer met 'n bad en 'n stort in elke eenheid.

Elke eenheid is met 'n yskassie, stoofplaat, mikrogolfoond, koffie- en teemaakgeriewe en 'n broodrooster toegerus, en het 'n privaat ingang en toegang tot 'n klein binnehof met 'n fontein.

Die pragtige sandstrand in Muizenberg is 'n mekka vir swemmers, branderplankryers, lyfplankryers, kajakvaarders, vlieërbranderryers en sonbaaiers wat op soek is na ongerepte strande en die warm water van die Indiese Oseaan.

Kry ’n Kwotasie