Segulah Guesthouse

Selfsorg

Kapasiteit: 25 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: R328, Mosselbaai, Ruiterbos, 6500, Wes-Kaap
Vanaf R1 000 per nag (plek vir 2)

Beskrywing

Segulah Guesthouse is in Ruiterbos geleë. Die eenheid bied 'n pragtige uitsig oor die Bonnievale- en Robinsonberge. Die eenhede is ideaal vir gaste wat 'n blaaskans van die besige stad wil neem.

Verblyf word in 4 eenhede gebied, naamlik die Tikvah Kamer, Kadosh Kamer, Shamah Kamer en Segulah Vakansiehuis. Die kamers is losstaande chalets, elk met 'n dubbelbed, toegeruste kombuis, eet-/werktafel en 'n en suite-badkamer met 'n stort, toilet en wasbak.

Die 3 chalets het 'n gemeenskaplike boma-braai-area. Die Segulah-vakansiehuis het 3 kamers wat as 'n eenheid of as enkelkamers in die huis bespreek kan word en dus die huis in daardie geval gemeenskaplik maak, naamlik Shalom-kamer, L'Chaim-kamer en Ahavah-kamer. Elke kamer is ingerig met 'n dubbelbed en en suite-badkamers met 'n stort, toilet en wasbak. Die vakansiehuis het ook 'n oopplan houtvloer bo die kamers waar daar 3 dubbelbeddens is sodat nog 6 gaste daar kan slaap teen 'n addisionele fooi per persoon per nag. Hierdie gaste kan van 2 ablusiegeriewe naby die huis gebruik maak, elk met 'n stort, toilet en 2 wasbakke. Die vakansiehuiseenheid het 'n oopplan-ontwerp en 'n kombuis. Die kombuis is toegerus met 'n stoof, yskas, mikrogolf, broodrooster, ketel Nespresso-koffiemasjien en skottelgoedwasser. Buite is daar 'n stoep met 'n ingeboude braai.

Ekstra geriewe sluit 'n gimnasium (beskikbaar teen 'n ekstra fooi per persoon), 'n swembad, WiFi en veilige parkeerplek in. Die drieslaapkamerhuis het ook 'n slim-TV. Gaste kan hul foonskerms na die TV uitsaai, maar daar is geen DStv-dekodeerder nie.

Doendinge in die area sluit visvang, wynproe, perdry, fietsry, bergfietsry en voëlkyk in.

Kry ’n Kwotasie