Seweweekspoort Op-die-Plaas Kamp

Kampeer/karavaan

Kapasiteit: 100 persone
Alle ouderdomme is welkom
Inkloktyd: 12:00 tot 19:00
Uitkloktyd: 10:00
Adres: Sandrivierplaas, R323, Laingsburg, 6900, Wes-Kaap
Vanaf R250 per nag, vir 2 mense

Beskrywing

Op-die-Plaas Kamp is geleë op 'n pragtige werkende plaas genaamd Sandrivier, omring deur die Klein Swartberg aan die een kant en die Elandsberg aan die ander kant. Die plaas is ook 8 km vanaf die bekende Seweweekspoort geleë, wat gaste 'n asemrowende rit deur ongerepte natuur, oor meer as 20 rivierkruisings en op 'n goedversorgde grondpad bied.

Die kampeerplekke is almal naby 'n dam geleë met lekker graskolle en lieflike groot kougombome. Daar is geen elektrisiteit in die kampterrein nie, en warm water word deur gasgeisers opgewek. Die gemeenskaplike ablusieblok het aparte dames- en mansgeriewe. Beide toegerus met storte, toilette en wasbakke.

Hout en ys is beskikbaar. Braaipakke en vars plaasbrood is ook op versoek beskikbaar.

Aktiwiteite op ons plaas sluit in om die koeie te melk, saam met die boer te ry om te kyk na die skape en beeste in die veld, of om in die plaasdam te swem om tyd te verwyl.

Baie foto-oomblikke met al die voëllewe op die dam, berge rondom, perde wat vrylik op die plaas rondloop. Swartbaars in die dam by die kampterrein. Bergfietse en 4x4's is welkom. Die pad op en oor Elandsberg na Elandskloof is vir die meer avontuurlustiges.

Kry ’n Kwotasie