Sharky Holiday Home

Beskrywing

Sharky Holiday Home bied gerieflike selfsorg-akkommodasie in 'n moderne dubbelverdiepinghuis naby die klein dorpie Kleinbaai wat bekend is vir haaihokduik en walviskyk. Dié gemeubileerde dubbelverdiepinghuis is op Franskraal se kuslyn geleë en kyk uit oor die bekende Dyer-eiland en omliggende areas.

Die huis bestaan uit 3 slaapkamers, 2 badkamers, 'n gaste-toilet en 'n oopplan-kombuis, -leefarea en -eetarea. Die hoofslaapkamer is op die eerste verdieping geleë en bevat 'n en suite-badkamer met 'n stort en bad, 'n grimeerhoekie met 'n spieëleenheid, 'n gaste-toilet en 'n kantoorwerkruimte. Die hoofslaapkamer en eetkamer het toegang tot die balkon voor.

Die eerste verdieping bestaan uit 'n kombuis en 'n aparte opwaskamer, toegerus met moderne elektriese toebehore, 'n stoof, lugsuier, yskas, skottelgoedwasser, wasmasjien en 'n elektroniese waterversuiweringstelsel. Die sitarea het 'n TV met 'n DStv-dekodeerder en Sony- en Boston-klanktoerusting.

Daar is 2 slaapkamers op die grondverdieping met ingeboude kaste. Die 2 slaapkamers het toegang tot 'n tweede badkamer met 'n stort en bad. Die kombuisie op die grondverdieping is toegerus met 'n yskas, 'n ketel en 'n mikrogolfoond. Een van die slaapkamers en die kombuisie het toegang tot die onderdak-patio. Gaste het toegang tot 'n balkon agter die huis, 'n teleskoop om die uitsigte te bewonder, Weber-gasbraai en 'n dubbelmotorhuis met outomatiese deure.

Sharky Holiday Home is gerieflik geleë ongeveer 400 m van die strand af en 2 km van Kleinbaai se haaibote en haaihokduik af. Plaaslike besienswaardighede in die omgewing sluit Uilenkraalsmond se strand en strandmeer, Kleinbaai Gholfbaan, Gansbaai en Danger Point-vuurtoring in.