Sharwimbo River Camp

Selfsorg

Soos Gesien op Facebook
Kapasiteit: 50 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: C49, 25 km suid van Kongola, Kongola, 0000, Zambezi
Vanaf R680 per nag, vir 2 mense

Beskrywing

Sharwimbo River Camp is op die oewer van die Kwandorivier wat Botswana en Namibië skei in die Caprivi-streek. Dit bied gehalteverblyf aan 'n avontuurlustige gesin of groep vriende en is 25 km suid van Kongola.

Die verblyf beskik oor 15 rivierchalets en 6 kampeerplekke. Die chalets het elkeen 2 driekwartbeddens met muskietnette, 2 kampbedjies vir kinders op versoek, 12V-sonkragligte, 'n en suite-badkamer met 'n warmwaterstort en 'n toilet, 'n kombuisie met 'n stoof, tee- en koffiemaakgeriewe, eetgerei en breekware en 'n opwaskamer.

Die kampeerplekke het hul eie braaiplekke, 'n piekniekbankie, kraan en 'n gemeenskaplike ablusieblok met warmwaterstorte, toilette en 12V-sonkragligte. Daar is 'n gemeenskaplike opwaskamer.

Gaste kan op die chalets se stoepe, onder skadubome of by een van die lieflike swembaddens ontspan.

Gaste is ook welkom om 'n wildrit of bootvaart by ontvangs te bespreek.

Troeteldiere word nie toegelaat nie, a.g.v. die natuur en voëllewe in en om die kamp.

Die kamp is op die olifant-migrasieroetes geleë en die omgewing het baie wild. Die bootvaarte op die Kwandorivier is baie gewild.

Kry ’n Kwotasie