Sieniesee

Selfsorg

Langtermynverblyf-aanbod 15% af

Kry 15% af vir verblyf wat 5 nagte of langer is. Hierdie aanbod is altyd geldig.

Gratis kansellasie tot 24 uur voor jou verblyf!
Kapasiteit: 5 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Proteaweg 57, Danabaai, Mosselbaai, 6510, Wes-Kaap
Vanaf ~~R1 300~~ R1 105 per nag (plek vir 5)

Beskrywing

Sieniesee is 'n gerieflike woonstel vir 'n gesin in Danabaai in Mosselbaai. Daar is talle winkels, restaurante, besienswaardighede en aktiwiteite naby en die strand is net 'n entjie se ry in die straat af.

Die woonstel bied slaapplek aan 5 gaste en beskik oor 'n slaapkamer met 'n dubbelbed en 'n badkamer met 'n stort, toilet en 'n wasbak. Daar is 'n enkelbed en 'n stapelbed in die leefarea.

Die kombuis is met 'n tweeplaatstoof, yskas, mikrogolfoond, koffie- en teemaakgeriewe, breekware en eetgerei toegerus.

Die sitarea het gemaklike sitplek en 'n TV met sekere DStv-kanale. Daar is 'n groot dubbelskuifdeur wat na die tuin lei waar daar braaigeriewe en 'n onbelemmerde see-uitsig is. Daar is selfs bokke en fisante wat soms in die tuin wei.

Die strand naby die huis is 1ste Strand en dit is sowat 1 km ver. Let dat dit nie 'n swemstrand is nie omdat daar seestrome is. Gaste kan dalk in die winter dolfyne en walvisse in die water sien baljaar.

Kry ’n Kwotasie