Sir David Baird Selfsorg-eenhede

Selfsorg

Kapasiteit: 4 persone
Geen kinders onder 16
Inkloktyd: 14:00 tot 20:00
Uitkloktyd: 10:00
Adres: 41 Sir David Baird Rylaan, Bloubergstrand, 7441, Wes-Kaap
Vanaf R1 300 per nag (plek vir 2)

Beskrywing

Sir David Baird is 2 ruim en sonnige grondvloerwoonstelle in die hartjie van Bloubergstrand. Die woonstelle loop uit op 'n pragtige tuin met 'n swembad. Dit is ongeveer 100 m van Kleinbaaistrand af en 'n gemaklike 5 minute se stap strandlangs na uitstekende restaurante en Eden on the Bay, Big Bay.

Die woonstelle het 'n pragtige uitsig op Tafelberg.

Die MyCiti-bushalte is reg voor die gebou en voorsien veilige en luukse vervoer elke 20 minute na Kaapstad en die Waterfront. Veilige parkeerpek is beskikbaar op die perseel.

Die woonstelle het elk 'n dubbelkamer, en suite-stort/-toilet en oopplan-kombuis/-leefarea. Die eenhede bied elk slaapplek vir 'n paartjie. Beddegoed en handdoeke word voorsien. Die kombuise is elkeen toegerus met 'n mikrogolfoond, induksiestoofplaat, broodrooster, ketel, eierkoker en braaipan. Ideaal vir 'n paartjie. Ongelukkig maak die verblyf nie voorsiening vir babas, kleuters, kinders of troeteldiere nie. Geen oond nie. DStv met al die kanale en optiese vesel-WiFi is ingesluit. Braai op wiele en gemaklike tuinmeubels in die windbeskutte tuin. Gaste kan hul etes op die stoep geniet.

'n Minimum verblyftydperk van 2 nagte word vereis. Vir verblyf langer as 7 dae word 'n weeklikse skoonmaakdiens ingesluit. Sowat 19 km vanaf Kaapstad en 300 m vanaf Big Bay. Maklike toegang tot die roete na die Weskus. Ideaal vir watersportliefhebbers. Kom ontspan in die sonderlinge dorpie Bloubergstrand.

Kry ’n Kwotasie