Sitterus

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: De Jager-straat 10, Stilbaai, 6674, Wes-Kaap
Vanaf R1 600 per nag, vir 6 mense

Beskrywing

Sitterus is 'n gerieflik gemeubileerde selfsorghuis vir tot 6 mense in Stilbaai.

Die eenheid is op die grondvloer geleë en het 'n privaat ingang en beskik oor 3 slaapkamers en 2 badkamers. Die hoofslaapkamer het 'n koningingrootte-bed en het 'n en suite-badkamer met 'n stort en 'n bad. Die ander 2 slaapkamers het elk 2 enkelbeddens en deel die gebruik van 'n badkamer met 'n stort. Gerieflikheidshalwe word handdoeke voorsien. Gaste moet asseblief hul eie strandhanddoeke saambring.

Die kombuis is toegerus met 'n stoof en oond, 'n mikrogolfoond, 'n yskas, tee- en koffiemaakgeriewe, asook 'n skottelgoedwasser. Gemeenskaplike wasgoedgeriewe met 'n wasmasjien en 'n tuimeldroër is ook beskikbaar.

Etes kan by die etenstafel geniet word, en gaste kan ontspan in die sitkamer wat 'n TV met EasyView DStv het. Om meer DStv-kanale te bekyk, is gaste welkom om hul eie dekodeerder, afstandbeheer en slimkaart saam te bring. Netflix is ook beskikbaar.

Buitelugbraaigeriewe is beskikbaar vir gebruik, en parkeerplek is beskikbaar. Troeteldiere word ongelukkig nie toegelaat nie.

Geen partytjies of bykomende gaste sal toegelaat word nie, behalwe as dit vooraf so met die gasheer en gasvrou gereël is.

Stilbaai bied 'n verskeidenheid besienswaardighede en doendinge wat wissel van die Inverroche-distilleerdery, voetslaan in die natuurreservate, voëlkyk, en die voer van die palings by die Stilbaai Toerismeburo.

Kry ’n Kwotasie