Skuinslê

Selfsorg

Langtermynverblyf-aanbod 10% af

Kry 10% af vir verblyf wat 7 nagte of langer is. Geldig vir verblyf vanaf 13 Jan 2025 tot 19 Mrt 2025.

Kapasiteit: 8 persone
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: Parkstraat 33, Yzerfontein, 7351, Wes-Kaap
Vanaf ~~R2 452~~ R2 207 per nag (plek vir 8)

Beskrywing

Skuinslê is 'n kunstige en ontspanne huis wat in Yzerfontein geleë is. Dit is net 'n kort entjie se stap van die hoofstrand af en bied wonderlike see-uitsigte vanaf die boonste kuierdek. Die agterstoep is 'n gunsteling braai-area en die tuin is volledig omhein wat dit troeteldiervriendelik maak. Die tuin is die tuiste van ongeveer 7 skilpaaie.

Skuinslê bied verblyf aan 8 gaste en is die ideale wegbreekplekkie vir 'n gesin of groep vriende. Die huis beskik oor 3 slaapkamers en 2 badkamers. Die eerste en tweede kamers het elkeen 'n dubbelbed en enkelbed en die derde kamer het 2 driekwartbeddens. Die eerste badkamer het 'n bad, stort, toilet en wasbak en die tweede badkamer het 'n stort, toilet en wasbak. Daar is ook 'n gaste-toilet.

Die leefarea het 'n TV met DStv, 'n DVD-speler en 'n kaggel. Die kombuis is volledig toegerus en sluit 'n lugbraaier en 'n wasmasjien in. Buiten die drombraai in die tuin is daar 'n binnebraai met 'n etenstafel en nog ingeboude braaigeriewe op die kuierdek.

Die eenheid is heerlik sentraal is stapafstand van 'n wêreldbekende bakkery en koffiewinkel, Yzer Bru-brouery, 'n drankwinkel, kafee, skoonheidsalon en koffiewinkel. Die Sportklub en Lula's Restaurant is ook net 'n kort entjie se stap ver, asook die gemeenskapsaal en tennisbane.

Kry ’n Kwotasie