Beskrywing

Sky Country Cottage is in die rustige omgewing van Skeerpoort geleë. Dit is 'n knus kothuis wat gerieflike verblyf bied met maklike toegang tot die bekende Bill Harrop Lugballonvaarte wat 'n tikkie avontuur aan enige wegbreek leen. Die bekoorlike kothuis is ideaal vir 'n klein gesin of groep vriende wat op soek is na rustige verblyf.

Die oopplan-kothuis beskik oor 'n slaapkamerarea en 'n kombuisie. Die slaapkamerarea het 3 enkelbeddens wat 3 gaste kan akkommodeer. Die badkamer het 'n stort, toilet en wasbak.

Die kombuisie is met 'n mikrogolf, broodrooster en tee- en koffiemaakgeriewe toegerus. Daar is ook 'n gemeenskaplike kombuis in die lapa met 'n yskas-vrieskas, mikrogolf, gasoond, eetgerei en breekware.

Veilige parkeerplek, 'n swembad en braaigeriewe is beskikbaar. Die kothuis is langs die Magaliesrivier en hierdie area bied 'n verskeidenheid buitelug-aktwiteite insluitend fietsry, stap, draf, voëlkyk en 'n prentjiemooi omgewing. Motorfietsryers kan ook die talle paadjies in die omgewing verken wat lei na 'n paar noemenswaardige besienswaardighede in die area.