Small Bay Beach Suites

Selfsorg

Kapasiteit: 4 persone
Geen kinders
Inkloktyd: 14:00 tot 22:00
Uitkloktyd: 10:00
Adres: Sir David Baird-rylaan 41, Bloubergstrand, 7441, Wes-Kaap
Vanaf R1 900 per nag (plek vir 2)

Beskrywing

Small Bay Beach Suites bied 2 moderne suites met asemrowende uitsigte oor Tafelberg, Robbeneiland en Tafelbaai. Dit is in die hartjie van Bloubergstrand, 100 m van die Small bay-strand, restaurante en alle geriewe af.

Dié ateljeewoonstelle bied elk slaapplek aan 2 gaste en het ’n koningingrootte-bed met ’n en suite-badkamer wat ’n stort, toilet en wasbak het. Rook is streng verbode.

Elke woonstel het ’n kombuis met ’n elektriese braaipan. enkelplaat-induksiestoof, yskas, mikrogolfoond, broodrooster, koffie- en teemaakgeriewe, 'n enkelplaatgasstoof, eetgerei en breekware. Daar is ook ’n slim-TV met Netflix en gratis WiFi. Die eenhede is aan omsetters gekoppel.

Daar is stapeldeure wat na ’n balkon lei met panoramiese uitsigte. Gaste het ook toegang tot gratis, veilige parkeerplek op die perseel.

Gaste kan langs die strand na Big Bay loop en die vlieërbranderryers besigtig of eet by een van die restaurante op die strand, soos Ons Huisie Restaurant wat die oudste restaurant is en dateer terug na 1853.

Bloubergstrand is ’n poort waardeur die Weskus verken kan word. Kaapstad se middestad en die Victoria and Alfred Waterfront is net 20 km van die verblyf af en kan maklik bereik word met die MyCiti-busse wat gaste reg voor die verblyf optel.

Ongelukkig word babas, kinders en troeteldiere nie toegelaat nie.

Kry ’n Kwotasie