Soft Adventure Camp

Lodge

Kapasiteit: 44 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Abendruhe Plaas, NamNau Habitat, Maltahöhe Distrik, 0000, Hardap
Vanaf R2 250 per nag, vir 2 mense

Beskrywing

Soft Adventure Camp spog met granietheuwels as agtergrond en is op oop vlaktes in die Nam Nau Habitat Natuurreservaat geleë. Dié reservaat is 25 000 hektaar groot is en in die Namib Naukluft Park geleë. Die Namib Naukluft Park is die grootste natuurreservaat in Namibië en daar is 'n paar natuurreservate wat aan dit grens. Die eienaars, Friedolf and Barbara Sturm, het dié verblyf spesifiek ontwerp vir natuurliefhebbers en diegene wat die ongerepte Namibwoestyn wil verken sonder al die luukshede van 'n lodge.

Verblyf is beskikbaar in 15 chalets wat op so 'n manier geplaas is dat 'n mooi uitsig oor die vlaktes verseker is. Die chalets is op vaste strukture gebou en het seil-afskortings wat die gevoel van 'n tentkamp gee. Elke chalet het 2 of 3 enkelbeddens, lugversorging, 'n plafonwaaier, 'n tafel en 'n en suite-badkamer met 'n stort, toilet en wasbak. Twee kampstoele kan voorsien word. Gaste kan in die skadu-area voor die chalet sit en die uitsig in die oggend en in die aand bewonder.

Paadjies lei na 'n sentrale gebou wat op 'n heuwel geleë is. Gaste word genooi om hier deur die dag te ontspan. Daar is koue drankies by die kroeg en die eetkamer bied aandete wat altyd 'n spesiale geleentheid is: Kom sit en kyk hoe die sjef jou kos voorberei in die middel van die boma. Dit is 'n tradisionele ete, die viering van die dag en 'n spesiale samekoms van vriende. Gaste kan in die plonspoel wat tussen rotse skuil afkoel.

Begeleide uitstappies is beskikbaar en die nabygeleë watergat lok springbokke, volstruise en sebras.

Kry ’n Kwotasie