Soli Deo Gloria

Gastehuis

Gratis kansellasie tot 1 week voor jou verblyf!
Kapasiteit: 10 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Van Reenen-straat 35, McGregor, 6708, Wes-Kaap
Vanaf R3 999 per nag (plek vir 10)

Beskrywing

Soli Deo Gloria Gastehuis is in die bekoorlike dorpie McGregor geleë. Dié lieflike dorpie is 'n bekende toeristebestemming waar die tyd stilstaan en bied verskeie wynlandgoedere, fietsry- en staproetes, asook verskeie besienswaardighede.

Soli Deo Gloria het 6 slaapkamers wat slaapplek aanbied vir 8-10 gaste. Elke slaapkamer het 'n en-suite badkamer met stort, toilet en 'n wasbak. (Bear Hug slaapkamer het selfs 'n bad.)

Daar is twee ten volle toegeruste kombuise, elk met 'n stoof, yskas, wasbak, en alle eetgerei. Bear Hug se kombuis en sitkamer vorm 'n groot aparte eenheid, terwyl die ander slaapkamers almal uitloop na die groot eet-en-sitkamer wat op sy beurt weer uitloop na die swembadstoep.

Gloria het 'n medium grootte swembad, en 'n groot tuin bestaande uit grasperke, tuin sithoekies onder bome, blomme en uitsigte oor blomme en plante. Parkeerplek is op die perseel vir 4 tot 6 voertuie beskikbaar.

Soli Deo Gloria is sowat 700 m vanaf die middedorp.

Kry ’n Kwotasie