Sonskyn

Gastehuis

Kapasiteit: 9 persone
Alle ouderdomme is welkom
Inkloktyd: 14:00 tot 21:00
Uitkloktyd: 10:00
Adres: Belloystraat 2, Bloubergstrand, 7441, Wes-Kaap
Vanaf R1 500 per nag, vir 2 mense

Beskrywing

Sonskyn is reg op die strand in Blouberg geleë en is al vir vyf generasies in dieselfde familie se sorg. Dié huis is in 1895 gebou. Kom geniet die klank van die golwe wat teen die rotse reg voor die huis breek, begin jou dag met 'n koppie filterkoffie, terwyl jy die lieflike uitsig oor die Atlantiese Oseaan en van Tafelberg in die verte geniet.

Verblyf is beskikbaar in 1 standaardkamer en 2 kamers wat na die seefront kyk. Die standaardkamer het 'n en suite-badkamer. Elkeen van die seekantkamers het ’n en suite-badkamer. Die onderste een is ingerig met 'n koninggrootte-bed en 'n enkelbed, en die boonste een het 'n koninggrootte-bed, asook 2 enkelbeddens. Die gastehuis bied gratis WiFi, sekere DStv-kanale en veilige parkeerplek.

Kom ervaar skouspelagtige sonsondergange uit die gemaklike sitarea, terwyl jy 'n glasie sjerrie geniet. Wandel langs die strandpaadjie deur die ou dorp verby 3 bekende restaurante, waarvan die een, Ons Huisie, 'n tradisionele Weskus-visserhuisie en ook ’n nasionale monument is. Ander doendinge in die omtrek sluit vlieërbranderry, seilplankry en swem by Big Bay se strand in, en gholfspelers het 'n keuse van 2 bekende gholfbane, Atlantic Beach en Milnerton se gholfklub wat sowat 10 minute se ry ver is. Die Canal Walk-winkelsentrum is ook net 10 minute se ry van Sonskyn af.

Kry ’n Kwotasie