Sorgente 201

Selfsorg

Kapasiteit: 4 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: North Beach-weg 30, Umdloti, 4350, KwaZulu-Natal
Vanaf R1 850 per nag (plek vir 4)

Beskrywing

Sorgente 201 is 'n pragtige selfsorgwoonstel in die bekoorlike kusdorpie Umdloti in Durban. Dit is 'n ideale opsie vir 'n gesinsvakansie of 2 paartjies want dit is net oorkant die pad van Umdloti-strand geleë en spog met panoramiese see-uitsigte.

Dié woonstel bied gerieflike slaapplek vir 4 gaste op 'n slag en beskik oor 2 slaapkamers en 2 badkamers. Die hoofslaapkamer met lugversorging het see-uitsigte en is ingerig met 'n koningingrootte-bed. 'n Stort, wasbak en toilet is beskikbaar in die hoof en suite-badkamer. Die tweede slaapkamer het ook 'n koningingrootte-bed en maak gebruik van die tweede badkamer wat ook 'n stort het. Gehalte linne en badhanddoeke word voorsien; gaste moet egter hul eie strandhanddoeke saambring.

Die helder en lugtige oopplan-leefarea beskik oor 'n kombuis wat volledig toegerus is met 'n stoof, oond, mikrogolfoond, yskas-vrieskas, eetgerei en breekware asook 'n ontbyttoonbank met oorgenoeg sitplek. Boonop is 'n skottelgoedwasser en 'n wasmasjien in die kombuis beskikbaar. Van die kombuis af lei 'n sitkamer met gemaklike sitplek en 'n platskerm-TV. Komplimentêre WiFi is beskikbaar.

Deur die skuifdeur is daar 'n onderdakbalkon met 'n buite-eettafel en 'n ingeboude braai wat 'n ideale plek is vir 'n skemerkelkie terwyl jy die see-uitsigte bewonder. Aan die onderkant van die Sorgente-gebou is daar 'n lieflike restaurant waar gaste 'n ete kan geniet en die ligging van hierdie woonstel is stapafstand vanaf plaaslike winkels en restaurante.

Kry ’n Kwotasie