Beskrywing

Sparrow Weg 7 is ’n grondverdiepingwoonstel in Astonbaai, ’n pragtige buurt van Jeffreysbaai. Dié gewilde branderplankry-bestemming is bekend vir sy kleindorpie-besienswaardighede, ongerepte strande en uitstekende branderplankry-geleenthede.

Die strand is letterlik oorkant die straat van die woonstel, gaste kan ook gebruik maak van die swembad by die Aston-woonstelle oorkant die pad.

Dié woonstel het 2 slaapkamers en bied slaapplek aan 4 gaste. Die sitkamer het 'n slaapbank vir 1 of 2 addisionele gaste, maar daardie gaste moet asb. hul eie beddegoed en handdoeke saambring. Die hoofslaapkamer het ’n koningingrootte-bed en die tweede kamer het 2 enkelbeddens. Albei kamers beskik oor ’n en suite-badkamer met ’n stort. Die kamers het elk 'n TV met 'n DStv-dekodeerder.

Daar is 'n sitkamer, 'n speletjieskamer met bordspeleties en 'n veerpyltjiebord asook 'n TV.

Die kombuis is goed toegerus met ’n yskas-vrieskas, stoof, oond, mikrogolfoond, skottelgoedwasser en wasmasjien. Gaste het ook toegang tot ’n TV en braaigeriewe.

Jeffreysbaai bied verskeie doendinge soos swem, branderplankry, visvang, kanovaart, gholf, rivierbootritte en vierwielfietsry.

Tsitsikama is slegs 'n uur se rit weg met verskeie doendinge, soos Tree top canopy Tours, kajakvaart op die Stormsrivier en die gewilde Stormsriviermond Nasionale Park met uitstekende staproetes.

St Francisbaai is 27 km vanaf die instansie met die grondpad en 50 km via Humansdorp met die pragtige Port St Francis en sy heerlike seekos restaurante en kroeë wat op die hawe uitkyk.

Daar is twee uitstekende strandrestaurante stapafstand.