Spekboom @ Wolfkop Nature Reserve

Selfsorg

Soos Gesien op Instagram
Kapasiteit: 8 persone
Geen kinders
Inkloktyd: 14:00 tot 19:00
Uitkloktyd: 10:00
Adres: Keeromstraat, Wolfkop Nature Reserve, Citrusdal, 7340, Wes-Kaap
Vanaf R4 900 per nag, vir 8 mense

Beskrywing

Spekboom @ Wolfkop Natuurreservaat is 5 km vanaf Citrusdal aan die voorheuwels van die Cederberge en is een van 8 kothuise op 'n 450 hektaar-reservaat. Dit spog met ongelooflike uitsigte oor die Olifantsriviervallei en talle buitelugaktiwiteite.

Dié kothuis bied slaapplek aan 8 gaste en beskik oor 4 en suite-slaapkamers met lugversorging. Al 4 slaapkamers het 'n koninggrootte-bed en die hoofslaapkamer het 'n volledige en suite-badkamer met 'n bad en 'n stort. Die ander en suite-badkamers het elkeen 'n stort. Skoon, wit linne en badhanddoeke word voorsien.

Die leefarea beskik oor 'n kombuis wat met 'n gasstoof, elektriese oond, mikrogolf, yskas-vrieskas, eetgerei, breekware en tee- en koffiemaakgeriewe toegerus is. Die kombuis lei na 'n etenstafel en 'n sitarea met gemaklike sitplek, 'n kaggel en 'n TV.

Die stapeldeure maak op 'n onderdakstoep met 'n etenstafel en 'n ingeboude braai oop. Daar is ook 'n Jacuzzi en 'n plonspoel.

Gaste kan die sterrehemel sonder ligbesoedeling bewonder of 'n verskeidenheid dierelewe van duikers tot ystervarke en skilpaaie sien. Sekere tye van die jaar is daar ook verskeie blomme in seisoen te sien. 'n Kanoe is by Wolfkop Camping te huur.

Kry ’n Kwotasie