Staandakkie Guest Cottage

Selfsorg

Gratis kansellasie tot 1 week voor jou verblyf!
Kapasiteit: 2 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Soutpansvlakte, Bredasdorp, 7280, Wes-Kaap
Vanaf R850 per nag, vir 2 mense

Beskrywing

Staandakkie Gastekothuis is 'n bekoorlike, ouwêreldse selfsorgkothuis met sonkrag op 'n plaas, net 15 km van Bredasdorp af (sowat 8 km hiervan is 'n grondpad wat geskik is vir 'n klein voertuig). Die kothuis is afsonderlik van die plaashuis, maar is naby genoeg indien gaste met die vriendelike gasheer wil gesels.

Hierdie verblyf maak tydens beurtkrag van sonkrag gebruik.

Dié kothuis bied verblyf vir 2 gaste en beskik oor 1 slaapkamer, 1 en suite-badkamer en 'n kombuisie. Die slaapkamer het 'n dubbelbed en die badkamer het 'n stort. 'n TV, verwarmer en radio word voorsien. Die kombuisie is toegerus met 'n stoof, yskassie, mikrogolf, ketel, eetgerei en breekware. Koffie, tee, suiker, melk en beskuit word aan die begin voorsien.

Daar is ook 'n braai-area met stoepmeubels. 'n Braairooster en hout word voorsien. Let asb. daarop dat die eienaars 2 Labradors en 'n Skaaphond op die perseel het.

Staandakkie Gastekothuis word deur die plaas se pragtige landskap omring en is net 2 km van die historiese melkhoutboom op Rhenosterfontein-plaas. Bring gerus ook jou fiets saam. Die voëllewe is volop.

Die kothuis is 35 km vanaf Arniston en die naaste strand, en 55 km vanaf die Suidelikste punt van Afrika. Die De Hoop Natuurreservaat is 43 km ver.

Kry ’n Kwotasie