Starling

Selfsorg

Kapasiteit: 5 persone
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: Erfdeel 4, Ashanti-weg, Hills and Dales, Lanseria, 1748, Gauteng
Vanaf R2 540 per nag, vir 5 mense
TGCSA-gradering:

Beskrywing

Starling is op 'n stuk grond van 23 ha geleë en spog met 'n lieflike uitsig oor die rivier en op die heuwels in Lanseria. Met 'n pragtige tuin, lieflike natuurskoon en volop voëllewe is dit die ideale bestemming vir gaste wat op soek is na 'n rustige wegbreek.

Die eenheid bied slaapplek aan 5 gaste en beskik oor 2 slaapkamers en 1 badkamer. Die eerste slaapkamer het 'n koninggrootte-bed, die tweede slaapkamer het 2 enkelbeddens en daar is 'n stapelbed in die ruim leefarea. Die badkamer het 'n stort-oor-bad.

Die leefarea beskik oor 'n eetarea en 'n sitarea met 'n platskerm-TV met DStv. Die kombuis is met 'n yskas-vrieskas, stoof, oond, mikrogolf en tee- en koffiemaakgeriewe toegerus.

Op die stoep is daar unieke sitplek en 'n uitsig oor die rivier. Gratis WiFi en braaigeriewe is ook beskikbaar. Die eenheid het sonkrag wat die WiFi, ligte en TV tydens beurtkrag aan die gang hou.

Gaste kan die Leeupark, Sterkfonteingrotte, Maropeng, Wondergrotte, Hartbeespoortdam en 'n rits ander besienswaardighede in die omgewing besoek.

Kry ’n Kwotasie