Beskrywing

Stay @ Fairway is 'n gerieflike en ruim eenheid in Clubview in Centurion wat ideaal vir sakereisigers en oornaggaste is wat op soek is na verblyf wat 'n kontinentale ontbyt insluit.

Die eenheid is apart van die eienaar se hoofhuis geleë, het sy eie privaat ingang en bied slaapplek aan 2 gaste. Die eenslaapkamer-eenheid het 'n dubbelbed en 'n badkamer met 'n stort, wasbak en 'n toilet. Alle linne, handdoeke en seep word voorsien.

Geriewe in die kamer sluit 'n lessenaar, mikrogolfoond, yskassie, ketel, eetgerei, breekware en tee- en koffiemaakgeriewe in. Daar is ook 'n TV met gedeelde DStv-kanale en gratis WiFi.

Buite is daar 'n swembad, privaat stoep met gemaklike sitplek en 'n braai-area met 'n uitsig oor die pragtige groen tuin. Veilige parkeerplek is op die perseel beskikbaar.