Stay@Melkbos

Selfsorg

Kapasiteit: 8 persone
Alle ouderdomme is welkom
Inkloktyd: 14:00 tot 21:00
Uitkloktyd: 10:00
Adres: Dromedarisstraat 11, Melkbosstrand, 7441, Wes-Kaap
Vanaf R3 000 per nag (plek vir 8)

Beskrywing

Stay@Melkbos is in die bekoorlike dorpie Melkbosstrand. Dit is 'n lieflike selfsorghuis ongeveer 350 m vanaf die strand en dit is ideaal vir 'n groot gesin.

Die huis bied slaapplek aan 8 gaste en beskik oor 3 slaapkamers en 2 badkamers. Die hoofslaapkamer het 'n koninggrootte-bed en 'n en suite-badkamer met 'n stort, toilet en dubbelwasbak. Die tweede slaapkamer het 'n koningingrootte-bed en die derde slaapkamer het 2 enkelbeddens. Die badkamer word gedeel en het 'n bad, stort, toilet en wasbak. Alle linne en badhanddoeke word voorsien, maar gaste moet hul eie strandhanddoeke saambring.

Die kombuis is met 'n gasstoof, oond, mikrogolfoond, yskas-vrieskas, skottelgoedwasser, tee- en koffiemaakgeriewe, eetgerei en breekware toegerus. Daar is ook 'n toonbank met 4 stoeltjies. Die eetarea het 'n groot etenstafel met 10 stoele. Die sitarea het 'n gemaklike sitkamerstel, 'n koffietafel en 'n TV met DStv Now, Netflix en Disney+. Daar is ook 'n binnebraai in die sitarea en die tweede leefarea bied ekstra slaapplek aan 2 kinders.

Die huis het ook 'n omsetter wat die TV, WiFi en sekere ligte tydens beurtkrag aanhou. Daar is ook 'n alarmstelsel en laserstrale.

Gaste het toegang tot 'n tuinarea met 'n eetarea, sitarea, pizza-oond en 'n braai-area. Veilige parkeerplek is beskikbaar.

Kry ’n Kwotasie