Beskrywing

Sterland Kampering is 'n lieflike kampeerplek wat deur populierbome omring is, net 1 km buite Sutherland.

Daar is 33 groot kampeerplekke tussen bome, elk met 'n kragpunt en braaigeriewe. Camp Rigel is die eerste kampe n het 7 staanplekke. Camp Spica is die tweede kamp en het 10 staanplekke. Camp Vega is die nuutste kamp en het 15 staanplekke en aparte ablusiegeriewe. Die kampplekke is met gruis bedek, om te keer dat grondseile nat word en om te keer dat modder op reënerige dae in tente of karavane ingetrap word.

Waterpunte word tussen die kampeerplekke gedeel, en aparte ablusiegeriewe met elektriese geisers word vir mans en vroue voorsien. 'n Gemeenskaplike asbos-boma, Muisbos, is beskikbaar vir winderige dae.

Jurg bied sterrekyk-aande op die meeste aande tussen 20:00 en 22:00 aan. Neem kennis dat dit noodsaaaklik is om te bespreek. Die sterrekyk-aand sluit 'n kort lesing in, gevolg deur sterrekyk met ses 11"-teleskope. Gaste kan ook saam met 'n kundige na die uitstekende fossiel-uitstalling kyk.

Verder kan gaste die NG Kerk en die N.P. van Wyk Louw Museum besoek. Ander besienswaardighede sluit SALT, die grootste teleskoop in die Suidelike Halfrond en die Oubergpas in. Neem kennis dat besprekings vir SALT noodsaaklik is en aanlyn gedoen moet word.

Kampeerders kan die fiets- of staproete binne die kampterrein geniet. Daar is ook 'n Lovers Walk, vuurput en 'n doolhof met plante en struike van die area. Die term, sonstilstand, word prakties gedemonstreer met uitsetbakens. Die kultuurkamer met die dorp digtersgeskiedenis en uniekhede kan ook besigtig word. Meer praatjies oor fossiele, met meer detail, kan gereël word.