Steynshoop Valley Lodge

Gastehuis

Kapasiteit: 24 persone
Alle ouderdomme is welkom
Inkloktyd: 15:00 tot 19:00
Uitkloktyd: 11:00
Adres: Steynshoop Plaas, Hekpoort, 1790, Gauteng
Vanaf R1 150 per nag (plek vir 2)

Beskrywing

Steynshoop Valley Lodge is 'n luukse, kindervriendelike, selfsorg-lodge naby aan Hekpoort op 'n pragtige verhewe stukkie grond in die skilderagtige Magaliesberg-vallei. Die lodge spog met die mooiste uitsig oor die bergreeks en vallei. Net 'n uur se ry van Johannesburg en Pretoria af lê die unieke lodge in 'n Wêrelderfenisgebied.

Daar is 'n pragtige opstal en 'n omliggende vierkant van geboue met 'n omheinde groentetuin en 'n antieke Kaapse styl hoenderkampie. Die opstal het verskeie groot, omheinde waterfonteintjies en 'n atmosfeer wat herinner aan 'n vroeë Transvaal-plaashuis en bydra tot die nostalgie van die landgoed. Die opstal het 5 en suite-slaapkamers. Daar is 5 aangrensende kothuisies met 1 slaapkamer elk. Daar is addisionele dagbeddens vir kinders in 3 eenhede.

Daar is verskeie aktiwiteite (sport en vermaak) soos 'n tennisbaan met spreiligte, 'n oorvloei-swembad wat omhein is vir veiligheid en 'n volgrootte biljartkamer. Ons het ook 'n vlugbalbaan, pluimbalbaan en kroukiebaan. 'n Addisionele sport- en vermaakarea het 'n ekstra swembad, braaigeriewe en 3 grasdak afdakke met groot tafels, bankies en stoele.

Dit is ideaal vir individuele of kleiner groepe wat wil wegbreek, konferensies en as 'n skuilplek, met 'n natuurlike, vredevolle en verfrissende atmosfeer.

'n Woud wat oor 50 akke strek is op die landgoed ingesluit en dit grens aan die bekende Magaliesberg Natuurreservaat wat spog met welige bosveld en wild.

Steynhoop Mountain Lodge word deur dieselfde eienaars besit as Steynshoop Valley Lodge en sluit ook deel van die Natuurreservaat in. Daar lê omtrent 1 km van dié bergreeks bo Steynshoop Valley Lodge. Daar is heelwat wild, duisende natuurlike proteas en groot inheemse woude met asemrowende bome en wandelpaaie.

Gaste by Steynshoop Valley Lodge kan ook van die roete by die Mountain Lodge gebruik maak. 'n Gids van Steynshoop Mountain lodge kan gaste vergesel indien dit vooraf gereël het. Gaste mag dan langer roetes oor die aangrensende eiendomme wat deur die Mountain Club van Suid-Afrika besit word aanpak. Dit sluit beroemde plekkies soos Castle Gorge in wat 'n ewigdurende waterval het.

Daar is baie voëlsoorte. Arende en aasvoëls wat op 'n nabygeleë krans woon, kom kuier so nou en dan. Gaste kan ook luister hoe die jakkals huil, die hiëna lag en die bobbejaan blaf en heelwat meer.

Alhoewel Steynshoop Valley Lodge hoofsaaklik 'n selfsorg-plek is, is etes beskikbaar indien vooraf gereël (per ete of duur van verblyf).

Kry ’n Kwotasie