Stilbaai Beach Cottage

Selfsorg

Kapasiteit: 10 persone
6 volwassenes, 4 kinders
Alle ouderdomme is welkom
Inkloktyd: 15:00 tot 00:00
Uitkloktyd: 11:00
Adres: Gordon-straat 52, Stilbaai-Oos, 6674, Wes-Kaap
Vanaf R3 500 per nag, vir 6 mense

Beskrywing

Stilbaai Beach Cottage is 'n lieflike selfsorghuis aan die suidelike kus van Stillbaai-Oos, bekend vir sy sonnige weer, Blouvlagstrande, natuurskoon en uitstaande geriewe. Hierdie area lok gesinne, afgetredenes, afstandwerkers en vakansiegangers.

Dié huis op die tweede verdieping bied slaapplek aan 6 volwassenes en 4 kinders en beskik oor 5 slaapkamers en 3 badkamers. Die hoofslaapkamer het 'n koningingrootte-bed en 'n en suite-badkamer met 'n stort en 'n toilet. Daar is ook 'n balkon met ongelooflike see-uitsigte in die verte. Die tweede en derde slaapkamers het elk 'n dubbelbed en die vierde en vyfde slaapkamers het elkeen 2 beddens vir kinders. Die eerste badkamer het 'n stort, bad en 'n toilet en die tweede badkamer het slegs 'n stort. Linne word voorsien, maar gaste moet hul eie handdoeke saambring.

Die leefarea op die boonste verdieping beskik oor 'n kombuis wat met 'n gasstoof, stoofketel, oond, mikrogolfoond, yskas-vrieskas, skottelgoedwasser, eetgerei, breekware en 'n sentrale etenstafel toegerus is. Die oopplan-sit- en -eetarea bied oorgenoeg sitplek. Daar is ook 'n knus TV-area met 'n verskeidenheid DStv-kanale.

Buite is daar ook 'n lapa met 'n braai-area, etenstafel en oorgenoeg stoele. Die verblyf is naby die strand en gaste kan die strande en verskeie besienswaardighede in die area verken.

Kry ’n Kwotasie