Stone House

Selfsorg

Soos Gesien op Instagram
Kapasiteit: 10 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Darlingstraat 17, McGregor, 6708, Wes-Kaap
Vanaf R7 500 per nag (plek vir 10)

Beskrywing

Stone House is 'n ekslusiewe en stylvolle huis in die dorpie McGregor in die Kaapse Wynlande. Dié grasdakhuis is met natuurlike klip gebou en is in die buitewyke van die dorp, reg langs die Krans Natuurreservaat geleë.

Die pragtige huis bied slaapplek aan 10 gaste en beskik oor 5 slaapkamers en 3 badkamers. Die hoofslaapkamer het 'n en suite-badkamer en 'n koninggrootte-bed en die ander 4 slaapkamers het elk 'n koningingrootte-bed. Daar is baddens en storte in 2 van die badkamers en die derde badkamer het slegs 'n stort. Alle linne en badhanddoeke word voorsien.

Die ruim leefarea het 'n kombuis, eetarea en 'n sitarea met gemaklike sitplek en 'n kaggel. Daar is ook 'n aparte TV-kamer met 'n TV met Netflix. Gratis WiFi en 'n aparte studeerkamer met 'n lessenaar is ook beskikbaar. Die kombuis is met 'n gasstoof, oond, mikrogolfoond, yskas-vrieskas, eetgerei, breekware en koffie- en teemaakgeriewe toegerus.

Buite is daar is lieflike kuierareas, soos 'n swembad met sonstoele, 'n onderdakarea langs die swembad met 'n yskassie en 'n ingeboude braai, 'n tradisionele boma met 'n vuurput en 2 stoep-sitareas.

Kry ’n Kwotasie