Strandloper @ Moeriesbaai

Selfsorg

Gratis kansellasie tot 1 week voor jou verblyf!
Kapasiteit: 2 persone
Geen kinders
Inkloktyd: 17:00 tot 20:00
Uitkloktyd: 10:00
Adres: Strandloperstraat 32, Moerie se baai, Jacobsbaai, 7380, Wes-Kaap
Vanaf R1 200 per nag (plek vir 2)

Beskrywing

Strandloper @ Moeriesbaai is in die kusdorpie Jacobsbaai geleë. Dit is die perfekte plek vir 'n lang vakansie, kort wegbreek of oornagplek aan die Weskus. Die woonstel met sy aparte ingang en braaibalkon is spesifiek beplan om gaste privaatheid, gerief, uitsigte, veiligheid en ontspanning binne loopafstand van die Moeriesbaai-strand te bied.

Die woonstel bied 'n oopplan-leefarea, -slaap- en -kombuisarea asook aparte en suite-geriewe met 'n toilet, wasbak en ekstra groot stort. Handdoeke word voorsien. 'n 40-duim-platskerm-TV is gemonteer. Gratis WiFi word voorsien. Netflix en YouTube is ook beskikbaar. 'n Volgrootte yskas-vrieskas, kookplaat en oond, mikrogolfoond, houtstoof en skottelgoedwasser is van die toebehore wat bydra tot gaste se gemak. Ligte, Wi-Fi en TV word aangedryf deur die omskakelaar en batteryrugsteun, dus geen beurtkrag nie.

Vanuit die woonstel maak deure oop na 'n balkon met 'n ingeboude braai. Braaitoebehore en hout word voorsien. Gaste kan die verhewe uitsigte van die omliggende Weskus natuurlike plantegroei in die suide en weste geniet, terwyl Moeries Baai-strand gedeeltelik na die noorde sigbaar is. Die strand is maklik bereikbaar en net 100 meter van die huis af.

Toegang tot die woonstel op die eerste verdieping word verkry via 'n trap. Parkering word binne die ringmuur van die erf voorsien en 'n alarmstelsel met buitebalke dra by tot die veiligheid van gaste en hul voertuie.

Jacobsbaai bied 'n verskeidenheid doendinge soos voëlkyk, watersport, bootvaart, visvang, duik, verskeie staproetes en fietsry.

Kry ’n Kwotasie