Studio @ Plane Street

Selfsorg

Gratis kansellasie tot 1 week voor jou verblyf!
Kapasiteit: 2 persone
Geen kinders
Inkloktyd: 14:00 tot 17:00
Uitkloktyd: 11:00
Adres: Plane-straat 11, Wavecrest, Jeffreysbaai, 6330, Oos-Kaap
Vanaf R1 100 per nag (plek vir 2)

Beskrywing

Studio @ Plane Street is 'n ateljeewoonstel in Jeffreysbaai op die onderste verdieping van die eienaar se woning, maar is semi-losstaande met 'n privaat ingang en bied direkte toegang tot die strand, wat minder as 30 m ver is.

Dié ateljeewoonstel bied slaapplek aan 2 gaste. Dit het 'n dubbelbed en 'n en suite-badkamer met 'n stort, toilet en wasbak. Die slaapkamer het 'n kas, en handdoeke en linne word voorsien. Daar is ook 'n platskerm-TV en gratis WiFi. Hierdie woonstel het sonpanele en word nie deur kragonderbrekings geraak nie.

Die kombuisie is met 'n yskassie, mikrogolf, eetgerei en breekware, asook tee- en koffiemaakgeriewe toegerus. Daar is 'n etenstafel met stoele waar gaste hul maaltye saam kan geniet, en die skuifdeure lei na die privaat binnehof met meubels waar gaste kan ontspan. Daar is 'n ekstra buitestort en Weber-gasbraai.

Kry ’n Kwotasie