Sugar Shack

Selfsorg

Soos Gesien op Facebook
Kapasiteit: 6 persone
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: Saint Augustine-weg 33, Paternoster, 7381, Wes-Kaap
Vanaf R3 600 per nag (plek vir 6)

Beskrywing

Sugar Shack is 'n vissermanskothuis in Paternoster, 'n bekoorlike vissersdorpie aan die Weskus.

Die kothuis bied slaapplek aan 6 gaste en beskik oor 3 slaapkamers en 3 badkamers. Die hoofslaapkamer het 'n koningingrootte-bed en 'n en suite-badkamer met 'n bad. Die tweede slaapkamer het ook 'n koningingrootte-bed en 'n en suite-badkamer met 'n stort. Die derde slaapkamer het 2 enkelbeddens en toegang tot 'n aparte badkamer met 'n stort.

Die oopplan-kombuis is met 'n yskas, stoof, oond, mikrogolfoond en tee- en koffiemaakgeriewe toegerus. Die kombuis spog ook met Le Creuset-potte en luukse KitchenAid-toerusting. Gaste kan hulle maaltye by die etenstafel geniet, of in die sitarea voor die kaggel, TV met DStv en 'n DVD-speler ontspan. WiFi is beskikbaar.

Gaste kan die tuinuitsig vanaf die stoep bewonder of van die beskutte braai- en sitarea gebruik maak. Die kothuis het 'n ook 'n lieflike stoep met 'n sitarea, hangmat en 'n uitsig oor die see. Dié stoep is op die tweede verdieping en word met 'n trap bereik. Die terras is nie onderdak nie en is dus van die weer afhanklik.

Daar is 'n klein, omheinde tuin en 2 goed gemanierde, klein tot mediumgrootte-honde is welkom indien dit vooraf gereël word. Veilige parkeerplek is vir 2 voertuie op die perseel beskikbaar en die huis het 'n alarmstelsel.

Sugar Shack is 90 m vanaf die strand en is sentraal naby Paternoster se gewilde restaurante geleë. Gaste kan swem, duik, spiesvisvang, op die see kajakvaar en bergfietsry. Besienswaardighede in die omgewing sluit die Cape Columbine Natuurreservaat, die Weskus Fossielpark en die Bergriviermonding in.

Kry ’n Kwotasie