Summer Dreams

Kliek op enige tarief om 'n meer volledige prysberekening te sien.

Prys sluit in

Selfsorg

Breekskadedeposito

'n Terugbetaalbare breekskadedeposito van R3000 moet direk aan die eiendom betaal word.

Huisreëls

Die breekskadedeposito sal sowat 2 weke na die uitklokdatum terugbetaal word nadat alle nodige aftrekkings gedoen is. Die deposito sal via bankoorbetaling in die rekening wat jy stipuleer terugbetaal word.

Die inventaris moet met aankoms deur die huurder nagegaan word en enige teenstrydighede moet binne 12 ure ná aankoms aangemeld word. Indien daar geen tekort of breekskade aangemeld word nie, sal die inhoud van die eenhede as korrek aanvaar word en die huurder sal aanspreeklik gehou word vir enige breekskade of tekorte. Neem kennis dat die eenheid slegs nagegaan word nadat die gas die perseel verlaat het.

Enige breekskade aan vaste of verwyderbare eiendom, buiten redelike slytasie, wat nie deur die sleutel- en breekskadedeposito gedek word nie, sal vir die gas se rekening wees.

Voorwaardes van huur: Die perseel is slegs vir vakansie-doeleindes te huur en slegs vir die tydsduur soos aangedui in die besprekingsbrief. Geen troues, partytjies of groot byeenkomste word toegelaat nie. Die aantal gaste wat die perseel beset mag nie die maksimum aantal gaste waarvoor die huis voorsiening maak, oorskry nie. Dit sluit kinders in.

Huurders sal nie toegelaat word om die eiendom te betree of beset indien hulle die maksimum aantal huurders per eenheid oorskry nie. In so 'n geval sal die gas die volle fooi en deposito verbeur.

Huurders en hul besoekers moet by die bepalings en reëls van die plaaslike munisipaliteit se verordeninge hou om uitsetting van die huurder en hul gaste te vermy. Die eienaar behou die reg voor om huurders uit te sit indien dronkenskap, wangedrag of rusverstoring aangemeld word. In só 'n geval sal die huurder die volle fooie en deposito verbeur. 'n Boete van R1000 sal gehef word vir enige klagte waarvoor die polisie ingeroep word.

Rook is verbode op dié residensiële perseel. Die sleutel- en breekskadedeposito sal ook verbeur word indien die matte, gordyne of meubels met stoom skoongemaak moet word. 'n Verdere boete van R1000 sal gehef word indien gaste in die huis rook. Die volle vervangingskoste (insluitend aflewering en installering) sal gehef word vir enige meubels wat beskadig word deur sigaretbrandmerke.

Geen troeteldiere word toegelaat nie tensy skriftelike toestemming van die eienaar verkry is.

Bring asseblief jou eie strandhanddoeke, swartsakke, toiletpapier en opwasseep. 'n Minimale hoeveelheid van dié items word voorsien. Alle bedlinne word voorsien.

Kansellasiebeleid