Summit Place

Selfsorg

Kapasiteit: 20 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Summit-weg 49, Beacon Bay, Oos-Londen, 5241, Oos-Kaap
Vanaf R995 per nag (plek vir 2)

Beskrywing

Summit Place is in die hartjie van die lowerryke Beacon Bay in Oos-Londen en bied verblyf in 8 privaat suites. Die suites is ideaal vir enkelreisigers, sakereisigers, gesinne wat op soek is na 'n wegbreek of groepe wat konferensies of sportbyeenkomste bywoon.

Die suites het elk 'n privaat ingang, 'n en suite-badkamer, tee- en koffiemaakgeriewe, 'n yskas, mikrogolf en 'n slim-TV. Verder het elke selfsorg-eenheid 'n gasstoof en oond. Gratis WiFi en veilige parkeerplek is beskikbaar. Die suites is geskik vir oornaggaste, asook diegene wat langer wil bly.

Geriewe op die perseel sluit 'n swembad, tuin, dekareas en braaigeriewe in. 'n Kontinentale ontbyt of 'n volledige Engelse ontbyt word op versoek teen 'n ekstra koste bedien. Aandete is ook op aanvraag beskikbaar teen 'n ekstra koste.

Die omgewing bied lieflike strande en doendinge soos bootvaar, branderplankry en vlieërbranderry. Gaste kan in die rivier en van die strand of van die rotse af visvang. Die wit sandstrande en natuurlike sandduine is ideaal vir strandwandelings.

Kry ’n Kwotasie