Beskrywing

SuNel Guest Rooms is in Malmesbury, die grootste dorp in die Swartland, sowat 65 km noord van Kaapstad geleë.

Ons bied verblyf in 4 gastekamers, elkeen met óf 'n koningingrootte-bed óf 2 driekwartbeddens. Elkeen van die kamers het lugversorging en is toegerus met 'n TV met sekere DStv-kanale, WiFi-toegang, 'n yskassie en koffie- en teemaakgeriewe.

Ons bedien soggens 'n heerlike, volle Engelse ontbyt in die eetkamer en middagetepakkies is beskikbaar op versoek.

Sommige van die doendinge in die omgewing sluit in: 4x4-roetes, fietsry- en staproetes, natuurwandelings, perdry en walviskyk (net 40 minute van ons af). By Swartland Kelders kan jy sommige van die wêreld se beste wyn proe waarvan 35 uitgevoer word. Keldertoere met 'n gratis wynproe kan bespreek word.