SunSet Beach Club Diaz Beachfront

Selfsorg

Kapasiteit: 6 persone
Alle ouderdomme is welkom
Inkloktyd: 15:00 tot 18:00
Uitkloktyd: 10:00
Adres: Beach East Boulevard, Beach Club 102, Die Voorbaai, 6500, Wes-Kaap
Vanaf R1 650 per nag (plek vir 6)

Beskrywing

SunSet Beach Club Beachfront is op Diaz-strand geleë en bied 'n 180-grade-uitsig oor die swembad en grasperk vanaf die privaat stoep. Dit is net 50 m van die strand af en word via 'n privaat ingang bereik. Dié luukse selfsorgwoonstel is geskik vir 6 gaste, en 'n ekstra slaapplek is op 'n slaapbank beskikbaar.

Die woonstel word met 'n hysbak bereik en is op die eerste verdieping geleë. Dit beskik oor 2 hoofslaapkamers, 2 badkamers, 'n oopplan-kombuis en -sitarea en 'n stoep.

Die hoofslaapkamer het 'n koningingrootte-bed en 'n en suite-badkamer met 'n stort, wasbak en toilet. Die tweede slaapkamer het 'n koningingrootte-bed en die badkamer het 'n stort, bad, wasbak en toilet. Daar is 2 ekstra slaapbanke vir kinders in die sitarea.

Die oopplan-kombuis is met 'n yskas, mikrogolfoond, stoof, oond en tee- en koffiemaakgeriewe toegerus. Daar is ook 'n ysmasjien, skottelgoedwasser, wasmasjien, tuimeldroër en 'n Nespresso-koffiemasjien.

Gaste kan in die sitarea voor die slim-TV met 'n slimboks en WiFi ontspan. Die sitarea lei na 'n balkon met gasbraaigeriewe en 'n uitsig oor die swembad en see. Parkeerplek is in die veilige kompleks beskikbaar.

Die kompleks het 'n gemeenskaplike swembad en kroeg, en gaste kan die gimnasium teen 'n ekstra koste gebruik.

SunSet Beach Club Beachfront is 100 m vanaf Diaz Waterpark en verskeie restaurante. Mosselbaai bied talle aktiwiteite soos visvang, branderplankry, sonsondergang-bootritte, bergfietsry en voetslaan.

Kry ’n Kwotasie