Sunset Haven

Selfsorg

Langtermynverblyf-aanbod 35% af

Kry 35% af vir verblyf wat 20 nagte of langer is. Hierdie aanbod is altyd geldig.

Gratis kansellasie tot 1 week voor jou verblyf!
Kapasiteit: 2 persone
Geen kinders
Inkloktyd: 14:00 tot 20:00
Uitkloktyd: 10:00
Adres: Cockburn-straat 8, Glencairn Heights, Simonstad, 7975, Wes-Kaap
Vanaf ~~R850~~ R553 per nag (plek vir 2)

Beskrywing

Sunset Haven bied gerieflike oornagverblyf met 'n privaat ingang op die eienaar se perseel in die hartjie van Glencairn Heights, Simonstad. Dit is ideaal vir 'n paartjie wat op soek is na 'n romantiese wegbreek óf 'n enkelreisiger wat op soek is na veilige oornagplek. Die verblyf bied 'n see- en berg-uitsig en is naby toeristebestemmings.

Hierdie losstaande woonstel bied slaapplek aan 2 gaste en beskik oor 'n oopplan-ontwerp. Dit het 'n dubbelbed en die badkamer het 'n stort, wasbak en toilet. Linne en badhanddoeke word voorsien.

Die kombuis is met 'n tweeplaatgasstoof, mikrogolf, yskas, lugbraaier, wafelmasjien, eierkoker, eetgerei, breekware, asook tee- en koffiemaakgeriewe toegerus. Die kombuis lei na 'n sitarea en 'n slim-TV met Netflix. Gratis WiFi is beskikbaar en daar is spasie om te werk.

Sunset Haven is in 'n privaat tuin geleë en gaste het toegang tot 'n privaat stoep met meubels, asook braaigeriewe. Die verblyf het ook 'n swembad met sonstoele. Daar is publieke parkeerplek waarvan gaste gebruik kan maak.

Die verblyf is 700 m vanaf Glencairn-strand en 8 km vanaf Simonstad. Kalkbaai en sy lieflike restaurante is net 8 km ver en Elsiespiek en ander voetslaanroetes is net 500 m vanaf die verblyf. Kaappunt-natuurreservaat, Silwermyn-natuurreservaat, Boulderstrand en Chapmanspiek is ook naby die verblyf.

Kry ’n Kwotasie