Sunset Villa

Selfsorg

Kapasiteit: 10 persone
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: Buitenkantstraat 60, Yzerfontein, Kaapstad, 7351, Wes-Kaap
Vanaf R1 650 per nag (plek vir 2)

Beskrywing

Sunset Villa is in die bekoorlike Weskusdorpie, Yzerfontein, geleë. Die villa bied gerieflike gehalte-verblyf en is ideaal vir 'n gesin wat op soek is na 'n rustige vakansieplek by die see. Sunset Villa is naby alle geriewe en net 'n klipgooi van die strand af.

Die Sunset Villa is op die boonste verdieping en het 4 slaapkamers, 3 badkamers en het slaapplek vir 8. Dis in 'n L-vorm om die swembad en binnehof gebou met 'n noord-uitsig. Daar is 'n lieflike uitsig oor die see van die braaikamer af en ook vanaf die stoep wat reg rondom die huis strek. Daar is dekstoele vanwaar jy ook die uitsig kan geniet.

Die ateljeewoonstel is op die onderste verdieping en het ’n oopplan-eenheid met ’n badkamer, kombuis en 'n sitarea. Die woonstel het sy eie privaat ingang en binnehof met 'n braai en sierfonteintjie. Die woonstel bied slaapplek aan 2 volwassenes en 2 kinders jonger as 12 jaar.

Hierdie 2 eenhede kan apart of saam bespreek word.

Die hoofhuis se geriewe sluit 'n braai, warmbad langs die swembad en parkeerplek vir 3 voertuie in. Daar is openbare parkeerplek en 'n paar winkels oorkant die pad. 'n Skoonmaakdiens kan op versoek en teen 'n ekstra koste gereël word.

Kom ervaar die Weskus in al sy glorie tussen Augustus en November wanneer die blommeseisoen is.

Troeteldiere word ongelukkig nie toegelaat nie en studente, funksies vir besighede, ram- of hennepartytjies of visvanggroepe word ook nie toegelaat nie. Die verblyf is net geskik vir gesinne of paartjies.

Kry ’n Kwotasie