SuPaViews @WalkerHouse

Selfsorg

Kapasiteit: 6 persone
Alle ouderdomme is welkom
Inkloktyd: 15:00 tot 20:00
Uitkloktyd: 10:00
Adres: 3rde Laan 661, Walker House, Wildernis, 6560, Wes-Kaap
Vanaf R2 000 per nag (plek vir 6)

Beskrywing

SuPaViews @WalkerHouse is 'n pragtige woonstel in 'n rustige omgewing in Wildernis. Hierdie ruim en luukse woonstel bied asemrowende uitsigte en is naby die lughawe, plaaslike winkels, restaurante, strande en riviere.

Dié woonstel het slaapplek vir 6 gaste en beskik oor 3 smaakvolle en suite-slaapkamers met skuifdeure wat na die dek met individuele sitareas en panoramiese uitsigte lei. Die woonstel spog ook met sagte beddegoed met elektriese komberse en afstandbeheerde, digte blindings. Boonop verseker die USB-poorte in die kamers dat gaste maklik hul toestelle kan laai, en 'n lessenaar met WiFi is beskikbaar vir gaste wat werk moet doen. Die hoofslaapkamer en tweede slaapkamer het elk 'n koninggrootte-bed, terwyl die derde slaapkamer 'n dubbelbed het. Al 3 en suite-badkamers het 'n stort, wasbak, verhitte handdoekereling en toilet. Linne en handdoeke word voorsien.

Die ruim oopplan-sitarea en -kombuis is met 'n yskas-vrieskas, stoof, oond, mikrogolf, eetgerei, breekware en tee- en koffiemaakgeriewe toegerus. Daar is ook 'n wasmasjien en skottelgoedwasser. Die sentrale etenstafel is ideaal vir gaste om maaltye saam te geniet. Die etenstafel strek verder na die sitarea met gemaklike sitplek, 'n slim-TV en 'n gasverwarmer.

Die glasskuifdeure lei na die dek met panoramiese uitsigte en 'n verskeidenheid inwonende voëls maak gereeld hier hul opwagting. Op die hoofdek is daar 'n etenstafel met sitplek vir 10, 'n Weber-braai en 'n gasverwarmer, ideaal vir 'n heerlike buite-ete.

Hierdie verblyf het sonpanele wat ononderbroke kragtoevoer verseker tydens kragonderbrekings, en veilige parkeerplek vir 3 voertuie is op die perseel beskikbaar.

Kry ’n Kwotasie