Swartberg Backpackers

Selfsorg

Gratis kansellasie tot 24 uur voor jou verblyf!
Kapasiteit: 18 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Voorbedacht Plaas, Oudtshoorn, 6625, Wes-Kaap
Vanaf R700 per nag, vir 2 mense

Beskrywing

Swartberg Backpackers is 45 km buite Oudsthoorn, aan die voet van die wêreldbekende Swartberge. Koel af in die swembad wat omring word deur die klanke van die natuur, rustigheid, natuurskoon en voortreflike berg-uitsigte.

Swartberg Backpackers gebruik sonkrag, gas en houtvure in plaas van konvensionele elektrisiteit. Dit beteken egter dat daar geen TV is nie. 'n Haardroër kan slegs gebruik word met 'n opwekker. Die sonkragstelsel voorsien genoeg krag om 'n skootrekenaar of selfoon te laai, die kamerligte te laat brand en die 12V-yskassie te laat loop. Daar is sonkrag- en gasgeisers om warm water te voorsien en 'n donkie van vlekvrye staal vir bewolkte en reënerige dae.

Verblyf behels 'n eenslaapkamereenheid met 'n warmbad en 'n tweeslaapkamereenheid met gehaltestapelbeddens. Beide eenhede het 'n kombuis met 'n gasstoof, gasoond, gasyskassie en 'n sonkragyskas. Let asb. dat daar nie 'n mikrogolf in die kombuis is nie. Beide eenhede het braaigeriewe. Die Ark-eenheid het tafeltennis.

Aktiwiteite op die perseel sluit trapkarretjies, kanovaarte in die plaasdam en swem in die bergswembad in.

Neem asseblief kennis dat daar nie 'n restaurant, kroeg of winkeltjies op die perseel is nie. Daar is wel 'n paar restaurante naby. Die naaste winkel is in Oudtshoorn.

Kry ’n Kwotasie